S:
K:
B:

expand Instant Sawyer

S 1188

A.D. 805 x 810 (or 805 x 815). Oswulf, aldormonn, and Beornthryth, his wife, to Christ Church, Canterbury; grant of 20 sulungs at Stanhamstead (in Aldington), Kent, with confirmation by Archbishop Wulfred. English

Archive:

Canterbury, Christ Church

MSS:

1. London, British Library, Cotton Augustus ii. 79 (s. ix; BM Facs., i. 15; Keller 1906, no. 1)
2. London, Lambeth Palace Library, 1212, pp. 406-407 (s. xiii)

Printed:

K, 226 ; Sweet, Reader, pp. 197-8 ; B, 330 ; Sweet, OET, pp. 443-4 (no. 37) ; Sweet, Second Reader, pp. 208-10 (no. 21) ; Earle, pp. 79-81 ; Pierquin, Recueil, pt 1, no. 128

Comments:

Campbell 1938, p. 144, copy of original, Kentish dialect ; Parsons 1939, p. 14, genuine and contemporary ; Sisam 1953, p. 154, cited ; Hughes 1971, p. 60, on reference to psalter ; Finberg 1972, p. 421, on food distribution ; Brooks 1984, pp. 138, 361 n. 76 ; Crick 1988, pp. 252, 265-6, drafted and written in 840s ; Fleming 1993, pp. 115-16 ; Keynes 1996, p. 54, on commemorative aspect ; Lowe 2001, Appendix I.1 ; Harmer, SEHD, pp. 69-75 ; Wallenberg, KPN, pp. 109-11, on place-names ; Sweet, Reader, p. 287 ; Keynes 1993a, p. 116, on Oswulf ; Pratt, Alfred, p. 244, on liturgical commemoration

Show all data

  • Metadata

    Text

    • (a)
      + Ic Osuulf aldormonn mid Godes gæfe ond Beornðryð min gemecca sellað to Cantuarabyrg to Cristes cirican ðæt lond æt Stanham stede .xx. swuluncga Gode allmehtgum 7 ðere halgon gesomnuncgæ fore hyhte 7 fore aedleane ðæs aecan 7 ðaes towardon lifes . 7 fore uncerra saula hela 7 uncerra bearna . Ond mid micelre eaðmodnisse biddað ðæt wit moten bion on ðem gemanon ðe ðaer Godes ðiowas siondan 7 ða menn ða ðaer hlafordas wæron 7 ðara monna ðe hiora lond to ðaere cirican saldon . ond ðættæ mon unce tide ymb tuælfmonað mon geuueorðiæ on godcundum godum 7 æc on aelmessan suæ mon hiora doeð.

      (b)
      Ic ðonne Uulfred mid Godes gaefe archiepiscopus ðas forecuaedenan uuord fulliae 7 bebeode ðæt mon ymb tuælfmonað hiora tid boega ðus geuueorðiae to anes daeges to Osuulfes tide ge mid godcundum godum ge mid aelmessan ge aec mid higna suesendum . Ðonne bebeode ic ðaet mon ðas ðing selle ymb tuælfmonað of Liminum ðe ðis forecuaede\ne/ lond to limpeð of ðaem ilcan londe æt Stanham stede .cxx. huaetenra hlafa . 7 .xxx. clenra . 7 an hriðer dugunde . 7 .iiii. scep . 7 tua flicca . 7 .v. goes . 7 .x. hennfuglas . 7 .x. pund caeses gif hit fugul daeg sie . Gif hit ðonne festen dæg sie . selle mon uuege cæsa 7 fisces 7 butran 7 aegera ðaet mon begeotan maege, 7 .xxx. ombra godes uuelesces aloð . ðet limpeð to .xv. mittum . 7 mittan fulne huniges . oðða tuegen uuines . sue hwaeder suae mon ðonne begeotan maege Ond of higna gemenum godum ðaer aet ham mon geselle .cxx. gesuflra hlafa to aelmessan for hiora saula . suae mon aet hlaforda tidum doeð . Ond ðas forecuedenan suesenda all agefe mon ðem reogolwarde 7 he brytnie swæ higum maest red sie 7 ðaem sawlum soelest . Aec mon ðaet weax agæfe to ciricican 7 hiora sawlum nytt gedoe ðe hit man fore doeð . Aec ic bebeode minum aefter fylgendum ðe ðaet lond hebben aet Burnan ðaet hiae simle ymb .xii. monað foran to ðære tide gegeorwien ten hund hlafa 7 swae feola sufla 7 ðet mon gedele to aelmessan aet ðere tide . fore mine sawle 7 Osuulfes 7 Beornðryðe \aet Cristes cirican/ 7 him se reogolweord on byrg gebeode foran to hwonne sio tid sie.
      Aec ic bidde higon ðette hie ðas godcundan god gedon aet ðere tide fore hiora sawlum . ðaet eghwilc messepriost gesinge fore Osuulfes sawle twa messan twa fore Beornðryðe sawle . 7 aeghwilc diacon arede twa passione fore his sawle twa fore hire ond eghwilc godes ðiow gesinge twa fiftig fore his sawle twa fore hire . ðaette ge fore uueorolde sien geblitsade mid ðem weoroldcundum godum 7 hiora saula mid ðem godcundum godum . Aec ic biddo higon ðaet ge me ge mynen aet ðere tide mid suilce godcunde gode suilce iow cynlic ðynce . Ic ðe ðas gesettnesse sette gehueder ge for higna lufon ge ðeara saula ðe haer beforan hiora namon auuritene siondon . UALETE IN DOMINO.
  • Metadata

    Old Text

    • Endorsements: (1) in a nearly contemporary hand: ˝is is gesetnes [O]sulf[es 7] Biarn∂ry∂e. (2) in a hand of s. xii, the date having been added later: Anno dcccvi Osulfus alderman dedit Stanhamstede ecclesie Christi tempore Wlfredi archiepiscopi. Anglice. + Ic Oswulf aldormonn mid Godes gæfe ond Beorn∂ry∂ min gemecca sella∂ to Cantuarabyrg to Cristes cirican ∂æt lond æt Stanhamstede, xx swuluncga, Gode allmehtgum 7 ∂ere halgon gesomnuncgæ, fore hyhte 7 fore aedleane ∂æs aecan 7 ∂æs towardon lifes 7 fore uncerra saula hela 7 uncerra bearna. Ond mid micelre ea∂modnisse bidda∂ ∂æt wit moten bion on ∂em gemanon ∂e ∂aer Godes ∂iowas siondan 7 ∂a menn ∂a ∂aer hlafordas wæron 7 ∂ara monna ∂e hiora lond to ∂aere cirican saldon; ond ∂ættæ mon unce tide ymb tuælf mona∂ mon geweor∂iæ on godcundum godum 7 æc on aelmessan suæ mon hiora doe∂. Ic ∂onne Uulfred mid Godes gaefe archiepiscopus ∂as forecuaedenan word fulliae, 7 bebeode ∂æt mon ymb tuælf mona∂ hiora tid boega ∂us geweor∂iae to anes daeges to Osuulfes tide ge mid godcundum godum ge mid aelmessan ge aec mid higna suesendum. ˘onne bebeode ic ∂aet mon ∂as ∂ing selle ymb tuælf mona∂ of Liminum, ∂e ∂is forecuaede'ne' lond to limpe∂, of ∂aem ilcan londe æt Stanhamstede: cxx huaetenra hlafa 7 xxx clenra 7 an hri∂er dugunde 7 iiii scEp 7 tua flicca 7 v goes 7 x hennfuglas 7 x pund caeses, gif hit fuguldaeg sie -- gif hit ∂onne festendæg sie, selle mon uuEge cæsa, 7 fisces 7 butran 7 aegera ∂aet mon begeotan maege -- 7 xxx ombra godes uuelesces alo∂, ∂et limpe∂ to xv mittum, 7 mittan fulne huniges o∂∂a tuEgen uuines, suE hwaeder suae mon ∂onne begeotan maege. Ond of higna gemEnum godum ∂aer aet ham, mon geselle cxx gesuflra hlafa to aelmessan for hiora saula suae mon aet hlaforda tidum doe∂. Ond ∂as forecuEdenan suEsenda all agefe mon ∂Em reogolwarde 7 he brytniE swæ higum maest red sie 7 ∂aem sawlum soelest. Aec mon ∂aet weax agæfe to cirican?1 7 hiora sawlum nytt gedoe ∂e hit man fore doe∂. Aec ic bebeode minum aefterfylgendum ∂e ∂aet lond hEbben aet Burnan ∂aet hiae simle ymb xii mona∂ foran to ∂ære tide gegeorwien ten hund hlafa 7 swae feola sufla; 7 ∂Et mon gedele to aelmessan aet ∂ere tide fore mine sawle 7 Osuulfes 7 Beorn∂ry∂e 'aet Cristes cirican'; 7 him se reogolweord on byrg gebeode foran to hwonne sio tid sie. Aec ic bidde higon ∂ette hie ∂as godcundan god gedon aet ∂ere tide fore hiora sawlum: ∂aet Eghwilc messepriost gesinge fore Osuulfes sawle twa messan, twa fore Beorn∂ry∂e sawle; 7 aeghwilc diacon arede twa passione fore his sawle, twa for hire; ond Eghwilc Godes ∂iow gesinge twa fiftig fore his sawle, twa fore hire; ∂aette ge fore uueorolde sien geblitsade mid ∂em weoroldcundum godum 7 hiora saula mid ∂em godcundum godum. Aec ic biddo higon ∂aet ge me gemynen aet ∂ere tide mid suilce godcunde gode suilce iow cynlic ∂ynce, ic ∂e ∂as gesettnesse sette gehueder ge for higna lufon ge ∂eara saula ∂e haer beforan hiora namon awritene siondon. Valete in Domino.