Show all data

• Metadata

  Text

  • + Eadgifu cyþ þam arcebisceop 7 Cristes cyrcean hyrede. hu hire land com æt Culingon . Þæt is þæt hire læfde hire fæder land 7 boc . swa he mid rihte beget . 7 him his yldran læfdon . Hit gelamp þæt hire fæder aborgude .xxx. punda. æt Godan . 7 betæhte him þæt land þæs feos to anwedde . 7 he hit hæfde .vii. winter . Þa gelamp emb þa tid þæt man beonn ealle Cantware to wigge. to Holme . Þa nolde Sigelm hire fæder to wigge faron mid nanes mannes scette unagifnum . 7 agef þa Godan .xxx. punda 7 becwæþ Eadgife his dehter land 7 boc sealde .
    Þa he on wigge afeallen wæs þa ætsoc Goda þæs feos ægiftes. 7 þæs landes wyrnde . oð þæs on syxtan geare . Þa spræc hit fæstlice Byrhsige Dyrincg swa lange . oð þa witan þe þa wæron gerehton Eadgife . þæt heo sceolde hire fæder hand geclænsian be swa myclan feo . 7 heo þæs aþ lædde on ealre þeode gewitnesse to Æglesforda . 7 þær geclænsude hire fæder þæs ægiftes be .xxx. punda aþe . Þa gyt heo ne moste landes brucan ær hire frynd fundon æt Eadwearde cyncge þæt he him þæt land forbead swa he æniges brucan wolde. 7 he hit swa alet .
    Þa gelamp on fyrste þæt se cynincg Godan oncuþe swa swyþe swa him man ætrehte bec 7 land ealle þa þe he ahte . 7 se cynincg hine þa 7 ealle his are mid bocum 7 landum forgeaf Eadgife to ateonne swa swa heo wolde . Þa cwæþ heo þæt heo ne dorste for Gode him swa leanian swa he hire to geearnud hæfde . 7 agef him ealle his land . buton twam sulungum æt Osterlande 7 nolde þa bec agifan ær heo wyste hu getriwlice he hi æt landum healdan wolde .
    Þa gewat Eadweard cyncg 7 fencg Æþelstan to rice . Þa Godan sæl þuhte þa gesohte he þone kynincg Æþelstan 7 bæd þæt he him geþingude wiþ Eadgife his boca edgift . 7 se cyncg þa swa dyde . 7 heo him ealle agef buton Osterlandes bec . 7 he þa boc unnendre handa hire to let . 7 þara oþerra mid eaðmettum geþancude . 7 ufenan þæt twelfa sum hire aþ sealde for geborenne 7 ungeborenne þæt þis æfre gesett spæc wære . 7 þis wæs gedon on Æþelstanes kynincges gewitnesse 7 his wytena æt Hamme wiþ Læwe . 7 Eadgifu hæfde land mid bocum þara twegea cyninga dagas hire suna .
    Þa Eadred geendude 7 man Eadgife berypte ælcere are . þa namon Godan twegen suna Leofstan 7 Leofric on Eadgife þas twa forespecenan land æt Culingon 7 æt Osterlande . 7 sædon þam cilde Eadwige þe þa gecoren wæs þæt hy rihtur hiora wæren þonne hire . Þæt þa swa wæs oþ Eadgar astiþude . 7 he \7/ his wytan gerehton þæt hy manfull reaflac gedon hæfden . 7 hi hire hire are gerehton 7 agefon . Þa nam Eadgifu be þæs cynincges leafe 7 gewitnesse 7 ealra his bisceopa . þa bec 7 land betæhte in to Cristes cyrcean mid hire agenum handum upon þone altare lede þan hyrede on ecnesse to are . 7 hire sawle to reste . 7 cwæþ þæt Crist sylf mid eallum heofonlicum mægne þane awyrgde on ecnesse þe þas gife æfre awende oþþe gewanude . Þus com þeos ar in to Cristes cyrcean hyrede.
• Metadata

  Old Text

  • Endorsements: (1) Quomodo Ediua Regina recuperavit Culinge quam postea dedit conventui ecclesie Christi Cantuarie. (2) Eadgyua Regina. (3) Anno ML. (4) Anglice. + Eadgifu cyˇ ˇam arcebisceop 7 Cristes cyrcean hyrede hu hire land com æt Culingon. ˝æt is ˇæt hire læfde hire fæder land 7 boc, swa he mid rihte beget 7 him his yldran læfdon. Hit gelamp ˇæt hire fæder aborgude XXX punda æt Godan 7 betæhte him ˇæt land ˇæs feos to anwedde; 7 he hit hæfde VII winter. ˝a gelamp, emb ˇa tid, ˇæt man beonn eall Cantware to wigge to Holme. ˝a nolde Sigelm hire fæder to wigge faron mid nanes mannes scette unagifnum; 7 agef ˇa Godan XXX punda 7 becwæˇ Eadgife his dehter land, 7 boc sealde. ˝a he on wigge afeallen wæs, ˇa ætsoc Goda ˇæs feos ægiftes 7 ˇæs landes wyrnde o∂ ˇæs on syxtan geare. ˝a spræc hit fæstlice Byrhsige Dyrincg swa lange o∂ ˇa witan ˇe ˇa wæron gerehton Eadgife ˇæt heo sceolde hire fæder hand geclænsian be swa myclan feo; 7 heo ˇæs aˇ lædde on ealre ˇeode gewitnesse to Æglesforda, 7 ˇær geclænsude hire fæder ˇæs ægiftes be XXX punda aˇe. ˝a gyt heo ne moste landes brucan ær hire frynd fundon æt Eadwearde cyncge ˇæt he him ˇæt land forbead, swa he æniges brucan wolde; 7 he hit swa alet. ˝a gelamp on fyrste ˇæt se cynincg Godan oncuˇe swa swyˇe swa him man ætrehte bec 7 land, ealle ˇa ˇe he ahte; 7 se cynincg hine ˇa 7 ealle his are, mid bocum 7 landum, forgeaf Eadgife to ateonne swa swa heo wolde. ˝a cwæ∂ heo ˇæt heo ne dorste for Gode him swa leanian swa he hire to geearnud hæfde, 7 agef him ealle his land, buton twam sulungum æt Osterlande; 7 nolde ˇa bec agifan ær heo wyste hu getriwlice he hi æt landum healdan wolde. ˝a gewat Eadweard cyncg 7 fencg Æˇelstan to rice. ˝a Godan sæl ˇuhte, ˇa gesohte he ˇone kynincg Æˇelstan, 7 bæd ˇæt he him geˇingude wiˇ Eadgife his boca edgift. 7 se cyncg ˇa swa dyde. 7 heo him ealle agef buton Osterlandes bec; 7 he ˇa boc unnendre handa hire to let 7 ˇara oˇerra mid ea∂mettum geˇancude; 7 ufenan ˇæt, twelfa sum, hire aˇ sealde, for geborenne 7 ungeborenne, ˇæt ˇis æfre gesett spæc wære. 7 ˇis wæs gedon on Æˇelstanes kynincges gewitnesse 7 his wytena æt Hamme wiˇ Læwe. 7 Eadgifu hæfde land mid bocum ˇara twegea cyninga dagas hire suna. ˝a EadrEd geendude 7 man Eadgife berypte ælcere are, ˇa namon Godan twegen suna, Leofstan 7 Leofric, on Eadgife ˇas twa forespecenen land æt Culingon 7 æt Osterlande, 7 sædon ˇam cilde Eadwige, ˇe ˇa gecoren wæs, ˇæt hy rihtur hiora wæren ˇonne hire. ˝æt ˇa swa wæs oˇ Eadgar astiˇude. 7 he '7' his wytan gerehton ˇæt hy manfull reaflac gedon hæfden, 7 hi hire hire are gerehton 7 agefon. ˝a nam Eadgifu, be ˇæs cynincges leafe 7 gewitnesse 7 ealra his bisceopa, ˇa bec, 7 land betæhte in to Cristes cyrcean, mid hire agenum handum upon ˇone altare lede, ˇan hyrede on ecnesse to are 7 hire sawle to reste; 7 cwæˇ ˇæt Crist sylf mid eallum heofonlicum mægne ˇane awyrgde on ecnesse ˇe ˇas gife æfre awende oˇˇe gewanude. ˝us com ˇeos ar in to Cristes cyrcean hyrede.