Show all data

• Metadata

  Text

  • Nichil in hoc seculo prolixa felicitate <per>fruitur, nichil diuturna dominatione potitur, nichil quod non ad fatalem uite terminum ueloci cursu tendetur: et ideo sic nobis mundanarum rerum patrimonie sunt perfruende, ut tamen eterne patrie emolumentis nunquam <fraudemur>. Hinc est enim quod ego Aldhelmus, postquam me inmeritum nullisque predignis moribus comprobatum in pontificatus officii sedem diuina gratia subtronizasset, proposui archano mentis mee affectu ut monasteriis meis Maelduburhg, Froom, Bradanford, quibus iamdudum in abbatatus gradu constitutus, suffragante Domino, regulariter prefui, religiosum abbatem quem sibi spontanea familiarum mearum optio consona uoce eligissent, canonica ratione atque regulari sanctione constituissem. Hiis uoluntariis propositionibus meis pia monachorum meorum restitit pertinacitas. Et cum hoc sedulo sepiusque in conuentu fratrum meorum fidutialiter narrassem, nullus hiis uotis meis placidissimum prebebat assensum, dicentes:
    ‘Quamdiu uitali uegetaris spiritu nobiscumque presentis uite stadio deputaris, tue semper dominationis iugo humillima colla subdere non dedignamur. Sed hoc supplici prece communique rogatu deprecamur, quod sub sacra scripturarum testificatione et fauorabilium uirorum claro consensu corrobores, ut nullus post obitum tuum nec regalis audacitas nec pontificalis auctoritas uel aliquis ecclesiastice seu secularis dignitatis uir, sine nostro uoluntatis arbitrio in nobis sibi uendicet principatum.’
    Huic debite monachorum meorum maxime<que> famulorum Dei petitioni libentissime consensi. Et in monasterio quod iuxta fluuium qui dicitur Winburnna situm est, cui uenerandi regis nostri germana Cuthburg presidet, cum optabili famosissimi regis Ini consensu et reuerentissimi fratris et coepiscopi mei Danihelis <nutu>, presentate <professionis deuotionem decentissimam et> uernarum Domini postulationem sacre crucis signaculo confirmaui. <Identidemque> uenerandus rex et prenominatus pontifex pari deuotionis manu subscripserunt, nec multo post in sacrosancto concilio quod iuxta fluuium qui dicitur Noodr congregatum esse dinoscitur. Idem omnium Saxonice gentis archimandritarum cum regali<s> potentatus assensu et pontificali<s> prioratus nutu consensit auctoritas. Si quis uero contra hec tam illustrium personarum decreta moliri machinetur et sacra presentis scedule scita preuaricari presumpserit, sciat se ante terribilem diuine maiestatis thronum cum preuaricatoribus preceptorum Domini lugubri dampnationis iudicio perculsurum. Scripta est huius confirmationis cartula anno ab incarnatione Domini nostri Iesu Christi .dccv., indictione .iii.
    + Signum manus Danielis episcopi. + Signum Ini regis. + Signum manus patricii Ethelfriði.
• Metadata

  Old Text

  • Nichil in hoc sæculo prolixa felicitate perfruitur , nichil diuturna dominatione potitur , nichil quod non ad fatalem vitæ terminum loci cursu protendatur . Et ideo nobis sic mundanarum rerum patrimonia sunt perfruenda , ut tamen æternæ patriæ emolumentis numquam fraudemur . Hinc est quod ego Aldhelmus , postquam me immeritum , nullisque pene dignis moribus comprobatum , in pontificatus offitii sedem divina gratia subthronizasset, proposui archano mentis meæ affectu ut monasteriis meis , quibus jamdudum in abbatatus gradu constitutus , suffragante domino , regulariter præfui , religiosum abbatem , quem sibi spontanea familiarum mearum optio consona voce eligissent , canonica ratione atque regulari sanctione constituerem . His voluntariis propositionibus meis pia monachorum meorum restitit pertinacitas . Et cum hoc sedulo sepiusque in conventu fratrum meorum fidutialiter narrassem , nullus his votis meis placidissimum præbebat assensum; dicentes quod 'Quamdiu vitali vegetaris spiritu , nobiscumque præsentis vitæ deputaris stadio , tuæ semper dominationis jugo humillima colla subdere non dedignamur . Sed hoc suplici prece communique rogatu deprecamur , quod sub sacra scripturarum testificatione et favorabilium virorum claro consensu corrobores, ut nullus post obitum tuum , nec regalis audacitas , nec pontificalis auctoritas , vel aliquis æcclesiasticæ seu secularis dignitatis vir , sine nostro voluntatis arbitrio in nobis sibi vindicet principatum' . Huic debitæ monachorum meorum maximeque famulorum Dei petitioni libentissime consensi, et in monasterio quod juxta fluvium qui dicitur Winburna situm est, cui venerandi regis nostri germana Cuthburg præsidet, cum optabili famosissimi regis Ini consensu et reverentissimi fratris et coepiscopi mei Danihelis nutu præsentatæ professionis devotionem decentissimam et vernarum domini postulationem sacræ crucis signaculo confirmavi ; identidemque venerandus rex et prænominatus pontifex pari devotionis manu subscripserunt . Nec multo post in sacrosancto concilio, quod juxta fluvium qui dicitur Noodr congregatum esse dinoscitur, idem omnium Saxonicæ gentis archimandritarum cum regalis potentatus assensu et pontificalis prioratus nutn consensit auctoritas . Si quis vero contra hæc tam illustrium personarum decreta moliri machinetur , et sacra præsentis scedulæ scita prævaricari præsumpserit , sciat se ante terribilem divinæ majestatis thronum cum prævaricatoribus præceptorum domini lugubri dampnationis juditio percellendum . Sunt autem hæc nomina monasteriorum , Maldubesburg , Froom , Bradanford . Scripta est huius confirmationis cartula anno ab incarnatione domini nostri Jhesu Christi . dcco . vto . indictione iiia . Signum manus Danielis episcopi . Signum Yni regis . Signum manus patricii Ethelfridi .