Show all data

• Metadata

  Text

  • + Her swutelaþ on þysan gewrite hu Cnut cyng 7 Ælfgifu seo hlæfdige geuþan Eadsige heora preost ða he gecyrde to munece þæt he moste ateon þæt land æt Apoldre swa him sylfan leofast wære. Þa sealde he hit into Cristes-cyrican þæt Godes ðeowum for his sawle, 7 he hit gebohte þæt æt þam hirede his dæg 7 Ædwines mid feower pundan, on þæt forwyrd þæt man gelyste ælce geare into Cristes-cirican .iii. wæga cyses of þam lande 7 þreo gebind æles, 7 æfter his deg 7 Ædwines gange þæt lande into Cristes-cirican, mid mete 7 mid mannan eal swa hit þænne gegodod sy, for Eadsiges sawle. 7 he gebohte þæt land at Werhornan æt ðam hirede his dage 7 Eadwines, eac mid feower pundan. Ðænne gaþ þæt land forð mid þam oþran æfter his dæge 7 Edwines into Cristes-cirican mid ðære tilþe þe þar þænne on si, 7 þæt land on his dæg æt Berwican ðe he geearnode æt his hlaford Cnute cynge. 7 he geunn eac þæs landes æt Orpedingtune on his dæge for his sawle into Cristes-cyrican ðam Godes ðeowum to scrudland, ðe he gebohte mid hundeahtigan marcan hwites seolfres be hustinges gewihte. 7 he geun eac ðæs landes æt Palstre 7 æt Wihtriceshamme æfter his dæge 7 Edwines forð mid ðam oþrum ðam Godes ðeowum to fostorlande for his sawle. Ðises cwides he geunn ðam hirede to þam forwyrdan þæt hi æfre hine wel healdan, 7 him holde beon on life 7 after life, 7 gif hi mid ænegan unrede wið hine ðas forwyrd tobrecan, þænne stande hit on his agenan gewealde hu he siþþan his agen ateon wille. Ðises is to gewitnesse Cnut cyng 7 Ælfgifu seo hlædige 7 Æðelnoð arcebiscop 7 Ælfstan abbod 7 se hired æt S. Augustine 7 Brihtric geounga 7 Æþelric bigenga 7 Þorð Þurkilles nefa 7 Tofi 7 Ælfwine preost 7 Eadwold preost 7 ealle ðæs cynges rædesmen. 7 þissa gewrita synda .iii., an is æt Cristes-cyrican 7 an æt S. Augustine 7 an hæfþ Eadsige mid him sylfan.
• Metadata

  Old Text

  • Her swutelaˇ on ˇysan gewrite hu Cnut cyng 7 Ælfgifu seo hlæfdige geuˇan Eadsige heora preost ∂a he gecyrde to munece ˇæt he moste ateon ˇæt land æt Apoldre swa him sylfan leofast wære. ˝a sealde he hit into Cristescyrican ˇæt Godes ∂eowum for his sawle, 7 he hit gebohte ˇæt æt ˇam Hirede his dæg 7 Ædwines mid feower pundan, on ˇæt forwyrd ˇæt man gelyste ælce geare into Cristescirican .iii. wæga cyses of ˇam lande, 7 ˇreo gebind æles, 7 æfter his dæg 7 Ædwines gange ˇæt lande into Cristescirican, mid mete 7 mid mannan eal swa hit ˇænne gegodod sy for Eadsiges sawle, 7 he gebohte ˇæt land æt Werhornan æt ∂am Hirede his dage 7 Eadwines eac mid feower pundan, ∂ænne ga∂ ˇæt land for∂ mid ˇam oˇran æfter his dæge 7 Edwines into Cristescirican mid ∂ære tilˇe ˇe ˇar ˇænne on si, 7 ˇæt land on his dæg æt Berwican ∂e he geearnode æt his hlaford Cnute cynge, 7 he geunn eac ˇæs landes æt Orpedingtune on his dæge for his sawle into Cristescyrican ∂am Godes ∂eowum to scrudland, ∂e he gebohte mid hundeahtigan marcan hwites seolfres be hustinges gewihte, 7 he geun eac ∂æs landes æt Palstre 7 æt Wihtriceshamme æfter his dæge 7 Edwines for∂ mid ∂am o∂rum ∂am Godes ∂eowum to fostorlande for his sawle. ˘ises cwides he geunn ∂am Hirede to ˇam forwyrdan ˇæt hi æfre hine wel healdan, 7 him holde beon on life 7 æfter life, 7 gif hi mid ænegan unrede wi∂ hine ∂as forwyrd tobrecan, ˇænne stande hit on his agenan gewealde hu he siˇˇan his agen ateon wille. ˘ises is to gewitnesse Cnut cyng, 7 Ælfgifu seo hlædige, 7 Æ∂elno∂ Arcebiscop. 7 Ælfstan Abbod. 7 se Hired æt Sancte. Augustine, 7 Brihtric geounga 7 Æˇelric bigenga, 7 ˝or∂ ˝urkilles nefa, 7 Tofi, 7 Ælfwine preost, 7 Eadwold preost, 7 ealle ∂æs cynges rædesmen, 7 ˇissa gewrita synda .iii. an is æt Cristes cyrican, 7 an æt Sancte. Augustine 7 an hæf∂ Eadsige mid him sylfan.