S:
K:
B:

expand Instant Sawyer

S 1471

c. A.D. 1045. Agreement between Archbishop Eadsige and Æthelric concerning land at Chart, Stowting, Milton and a haga in Canterbury, all in Kent. The land at Chart had been purchased by Archbishop Ceolnoth wth his own money from the thegn Hæletha and granted to him by charter by Æthelwulf, king of Wessex (A.D. 839 x 856; cf. CCC 18, S 1625). Old and Middle English versions

Archive:

Canterbury, Christ Church

MSS:

3. Canterbury, D.C., Reg. A, f. 143r-v (s. xiii; Middle English)
4. Canterbury, D.C., Reg. E, f. 44r (s. xiii ex.; Middle English)
1. London, British Library, Cotton Augustus ii. 70 (s. xi med.; Old English; BM Facs., iv. 27)
2. London, British Library, Stowe 853, ff. 30v-31v (s. xvii; Old English)

Printed:

K, 773, both versions ; Earle, pp. 243-5, both versions

Comments:

Harmer, Writs, p. 51, not earlier than 26 Dec. 1045 ; HRH, p. 236, probably original, dates it 1045 x 1047 ; Barker 1949, p. 107, original ; Oleson 1955, p. 154, authentic, dates it 1045 ; Brooks 1984, pp. 105, 148, 302-3, 354-5 n. 65 ; Kennedy 1995, p. 141 n. 43, on detail of witness-list ; Pelteret 1995, p. 167 ; BM Facs., iv, p. 7, MS 1 contemporary ; Wallenberg, KPN, pp. 324-5, on place-names ; Robertson, Charters, pp. 436-8 ; Ker, Catalogue, p. xxxii, on script ; Lowe 1993a, pp. 10-15, on MSS 3, 4

Show all data

  • Metadata

    Text

    • + Her swutelað on þisum gewrite embe þa forewyrd þe Ægelric worhte wið Eadsige arcebisceop æt þam lande æt Cert . þe Ceolnoð arcebisceop gebohte æt Hæleþan þam þegene mid his agenan sceatte . 7 Aþelulf cing hit gebocode Ceolnoþe arcebisceope on ece yrfe . Þis synd þænne þa forewyrd þæt Ægelric hæbbe þæt land æt Cert his dæg . 7 æfter his dæge ga þænne þæt land þam arcebisceope Eadsige on hand . swa gegodod swa heom bam gerisan mage . 7 syððan heora begra dæg agan si . Ægelrices 7 þæs arcebisceopes Eadsiges . þænne ga þis foresprecene land into Cristes cyricean mid mete 7 mid mannan eal swa hit stande . for Ægelrices saðle . 7 for Eadsiges arcebisceopes . þam Godes þeowan to fostre . 7 to scrude . þe þærinne Godes lof dreogan sceolan dæges 7 nihtes . 7 Ægelric gifð þa landboc þe þærto gebyreð on his life Criste . 7 þam hirede him to ecere ælmessan . 7 bruce Ægelric . 7 Esbearn his sunu þara oðra landa heora twegra dæg to þam ilcan forewyrdan þe Ægelnoð arcebisceop 7 Ægelric ær geworhtan . þæt is Stuting . 7 Melentun . 7 se haga binnan port þe Ægelric himsylfan getimbrod hæfde . 7 æfter heora twegra dæge fo se arcebisceop Eadsige þærto . gyf he leng libbe þænne hi . oððe loc hwa his æftergencga þænne beo . butan sum heora freonda þa land furþor on þæs arcebisceopes gemede ofgan mage . to rihtan gafole . oððe to oþran forewyrdan . swa hit man þænne findan mage wið þone arcebisceop þe þanne libbe . 7 þises is to gewitnesse Eadweard cyncg . 7 Ælfgyfu seo hlæfdige . 7 Ælwine bisceop . 7 Stigand bisceop . 7 Godwine bisceop . 7 Godric decanus . 7 eal se hired æt Cristes cyricean . 7 Wulfric abbud . 7 eal se hired æt sancte Augustine . 7 Ælfwine abbud . 7 Siweard abbud . 7 Wulfnoð abbud . 7 Godwine eorl . 7 Leofric eorl . 7 Atsur roda . 7 Ælfstan steallære . 7 Eadmær æt Burhham . 7 Godric æt Burnan . 7 Ælfwine se reada . 7 mænig man þærto eacan ge gehadude ge læwede . binnan burgan 7 butan . 7 gif ænig man on uferan dagan gehadud oððe læwede þisne cwyde wille awendan . awendse hine God ælmihtig hrædlice of þisan lænan life into helle wite . 7 þær a wunige mid eallan þam deoflan þe seo laðlice wunung betæht is . buton he þe deoppor hit gebete ær his ende . wið Crist sylfne 7 wið þone hired . Nu synd þissa gewrita þreo . an is innan Cristes cyricean . 7 oþer æt sancte Augustine . 7 þæt þridde hæfþ Ægelric mid him sylfan.
  • Metadata

    Old Text

    • + Her swutela∂ on ˇisum gewrite embe ˇa forewyrd ˇe Ægelric worhte wi∂ Eadsige arcebisceop æt ˇam lande æt Cert . ˇe Ceolno∂ arcebisceop gebohte æt Hæleˇan ˇam ˇegen