Show all data

• Metadata

  Text

  • On Dyddanhamme synd .xxx. hida — .ix. inlandes 7 .xxi. hida gesettes landes. To Stræt synd .xii. hida, .xxvii. gyrda gafollandes, 7 on Sæuerne .xxx. cytweras. To Middeltune .v. hida, .xiiii. gyrda gafollandes, .xiiii. cytweras on Sæuerne, 7 .ii. hæcweras on Wæge. To Cingestune .v. hida sind, .xiii. gyrda gafollandes, 7 .i. hida bufan dic þæt is nu eac gafolland, 7 þæt utan hamme is gyt sum inland, sum hit is þan scipwealan to gafole gesett. To Cyngestune on Sæuerne .xxi. cytwera, 7 on Wæge .xii. To Bispestune synd .iii. hida, 7 .xv. cytweras on Wæge. On Landcawet synd .iii. hida 7 .ii. hæcweras on Wæge, 7 .ix. cytweras.
    Ofer eall þæt land gebyrað at gyrde .xii. pæneg’ 7 .iiii. ælmespeneg’. Æt ælcum were þe binnan þam .xxx. hidan is, gebyreð æfre se oðer fisc þam land hlaforde, 7 ælc seldsynde fisc þe weorðlic byð, styria 7 mereswyn, healic oðer sæfisc, 7 nah man nænne fisc wið feo to syllanne þone hlaford on land byð ær man hine him gecyðe.
    Of Dyddanhamme gebyreð micel weorcrædæn. Se geneat sceal wyrcan, swa on lande, swa of lande, swa hweðer swa him man byt, 7 ridan 7 auerian 7 lade lædan, drafe drifan, 7 fela oðra ðinga don. Se gebur sceal his riht don. He sceal erian healfne æcer to wice worce, 7 ræcan sylf þæt sæd on hlafordes berne, gehalne to cyrcscette sahweþætere of his agenum berne. To werbolde .xl. mæra oððe an foþer gyrda, oððe .viii. geocu byld .iii. ebban tyne, æcertyninge .xv. gyrda oððe diche .v. tyne 7 dicie .i. gyrde burh heges; ripe oðer he alfne æcer; mawe healfne on oþran weorcan wyrce, a be weorces mæþe. Sylle .vi. penneg’ ofer estre [7] healfne sester hunies, to hlafmæssan .vi. systres mealtes, to Martines mæsse an cliwen godes nett gernes. On ðam sylfum lande stent se ðe .vii. swyn hæbbe þæt he sylle .iii., 7 swa forð a þæt teoþe 7 ðæs naþulæs mæsten rædene þonne mæsten beo.
• Metadata

  Old Text

  • On Dyddanhamme synd .xxx. hida .ix. inlandes . 7 .xxi. hida gesettes landes. To Stræt synd .xii. hida .xxvii. gyrda gafollandes . 7 on Sæuerne .xxx. cytweras. To Middeltune .v. hida .xiiii. gyrda gafollandes .xiiii. cytweras on Sæuerne . 7 .ii. hæcweras on Wæge. To Cingestune .v. hida sind .xiii. gyrda gafollandes . 7 .i. hida bufan dic ˇæt is nu eac gafolland . 7 ˇæt utan hamme is gyt sum inland . Sum hit is ˇan scipwealan to gafole gesett. To Cyngestune on Sæuerne .xxi. cytwera . 7 on Wæge .xii. To Bispestune Synd .iii. hida . 7 .xv. cytweras . on Wæge. On Landcawet synd .iii. hida . 7 .ii. hæcweras on Wæge . 7 .ix. cytweras. Ofer eall ˇæt land gebyra∂ at gyrde .xii. pænegan. 7 .iiii. ælmespenegan. Æt ælcum were ˇe binnan ˇam .xxx. hidan is . gebyre∂ æfre se o∂er fisc ˇam landhlaforde . 7 ælc seldsynde fisc ˇe weordlic by∂ . styria . 7 mereswyn . healic o∂er sæfisc . 7 nah man nænne fisc wi∂ feo to syllanne ˇone hlaford on land by∂ ær man hine him gecy∂e. Of Dyddanhamme gebyre∂ micel weorcrædæn . Se geneat sceal wyrcan swa on lande . swa of lande . swa hwe∂er swa him man byt . 7 ridan . 7 auerian . 7 lade lædan . drafe drifan . 7 fela o∂ra ∂inga don . Se gebur sceal his riht don . he sceal erian healfne æcer . to wiceworce . 7 ræcan sylf ˇæt sæd on hlafordes berne . gehalne to cyrcscette sahweˇætere of his agenum berne to werbolde .xl. mæra o∂∂e an foˇer gyrda . o∂∂e .viii. geocu byld .iii. ebban tyne . æcertyninge .xv. gyrda . o∂∂e diche . v tyne . 7 dicie .i. gyrde burhheges . ripe o∂er healfne æcer . mawe healfne . on oˇran weorcan wyrce . a be weorces mæˇe . Sylle .vi. pennegan ofer Estre . healfne sester hunies . to hlafmæssan .vi. systres mealtes . to Martines mæsse an cliwen godes nett gernes. On ∂am sylfum lande stent se ∂e .vii. swyn hæbbe ˇæt he sylle .iii. 7 swa for∂ a ˇæt teoˇe . 7 ∂æs naˇulæs mæstenrædene ˇonne mæsten beo.